O‘zbekistonlik Seeds For The Future ta’lim dasturi ishtirokchilari Dubayda o‘tkazilgan Tech4Good mintaqaviy tanlovida g‘olib bo‘ldi.

Sakkiz nafar o‘zbekistonlik talabalardan iborat Techno Mind jamoasi “Aquatibia” loyihasini taqdim etgan holda Tech4Good tanlovida birinchi o‘rinni egalladi. 14-sentabr kuni Dubay shahrida Huawei Seeds For The Future flagman ta’lim dasturining ikkinchi bosqichi doirasida mintaqaviy tanlovning finali bo‘lib o‘tdi.

14-sentabr kuni Huawei Seeds for the Future ta’lim dasturining ikkinchi bosqichi doirasida o‘tkazilgan eng yaxshi Tech4Good loyihasi bo‘yicha mintaqaviy tanlovda o‘zbekistonlik 8 nafar talaba g‘olib bo‘ldi. Musobaqada Ozarbayjon, Iordaniya, Qozog‘iston, Qatar, Mo‘g‘uliston va BAAdan 6 ta jamoa bilan bir qatorda O‘zbekiston jamoasi ham ishtirok etdi. Loyihada Toshkent Axborot Texnologiyalari Universiteti, Toshkent shahridagi Inha universiteti, Toshkent shahridagi Amiti universiteti, Toshkent shahridagi Kimyo xalqaro universiteti va Yangi O‘zbekiston universiteti talabalari g‘olib deb topildi. Tanlovda Birlashgan Arab Amirliklari talabalari ham g‘olib bo‘lib, “Tomoshabin tanlovi”, Qatar talabalari esa “Innovatsion g‘oya” uchun mukofotini qo‘lga kiritdi.

Tanlovning nufuzli hakamlar hay’atiga taqdim etilgan “Aquatibia” loyihasi qishloq xo‘jaligi uchun raqamli yechimlardan foydalangan holda ishlaydigan suv va tuproqdagi tuz va og‘ir metallarni kamaytirish uchun innovatsion filtrlash tizimidir. Loyiha tanlovning birinchi va ikkinchi bosqichlarida hakamlar hay’ati tomonidan yuqori baholandi, bu O‘zbekiston jamoasiga global Tech4Good tanlovida qatnashish va 100 000 AQSh dollari miqdoridagi startaplarni qo‘llab-quvvatlash jamg‘armasi uchun kurashish, shuningdek, noyabr oyida Dubayda bo'lib o'tadigan COP-28 iqlim sammitida ishtirok etish imkonini berdi.

Taqdirlash marosimida Huawei BAA direktori janob Lyu Szyavey ta’kidlab o’tdi: “Biz Yaqin Sharq va Markaziy Osiyoning eng zo‘r aql egalarining Dubaydagi chiqishlariga guvoh bo‘ldik va barcha munosib chempionlarni ajoyib sa’y-harakatlari bilan tabriklaymiz. BAA bagʻrikenglik va tinch-totuv yashash vazirligi, Telekommunikatsiyalar va raqamli maʼmuriyat (TDRA) va AKT jamgʻarmasiga loyihani Dubayga olib kelishda koʻrsatgan yordamlari uchun minnatdorchilik bildiramiz. Doimiy va ochiq hamkorlik orqali biz Yaqin Sharq va Markaziy Osiyo mintaqasida kelajakning raqamli iqtisodiyotini boshqaradigan AKT iste’dodlarini rivojlantirishimiz mumkin”.

Seeds for the Future dasturining ikkinchi bosqichi 2023-yil 10-16-sentabr kunlari Tech4Good akselerativ dasturi sifatida Dubayda bo‘lib o‘tdi. Talabalar tadbirkorlik yetakchiligi, biznesni strategik boshqarish vositalari, taqdimot malakasi, mijozlar ehtiyojlarini aniqlash va prototip yaratish kabi mavzular bo‘yicha axborot seminarlarida qatnashdilar. Ishtirokchilar, shuningdek, TDRA ofisiga, Muhammad Bin Rashid Al Maktum bilim fondi (MBRF) qoshidagi BMT hamkor ofisiga va Sharja tadqiqot, texnologiya va innovatsiyalar parkiga (SRTIP) tashrif buyurish imkoniga ega bo‘ldilar, bu yerda mehmon murabbiylar bilan eksklyuziv jamoaviy sessiyalar tashkil etildi.

Seeds for the Future dasturida Sharqiy va Markaziy Osiyo mintaqasidan 15 nafar mamlakat: Oʻzbekiston, Qatar, Saudiya Arabistoni, Quvayt, BAA, Bahrayn, Qozogʻiston, Pokiston, Ummon, Iordaniya, Livan, Iroq, Ozarbayjon, Moʻgʻuliston va Qirg'izistondan jami 175 nafar talaba ishtirok etdi. Dasturda O‘zbekiston Raqamli texnologiyalar vazirligi ko‘magida O‘zbekistonning 7 ta oliy o‘quv yurtidan 15 nafar talaba ishtirok etdi. 

Seeds for the Future loyihasi Huawei kompaniyasining yagona ta'lim tashabbusi emas. Bu yil O‘zbekistondagi Huawei ICT Academy talabalari ham ICT Competition – AKT bo‘yicha tanlovda ishtirok etishlari mumkin. Tanlov ishtirokchilarga nafaqat o‘z mahoratini namoyish etish, balki qimmatbaho sovg‘alar, jumladan Huawei sertifikatlarini olish, shuningdek, Huawei AKT akademiyalarida malaka oshirish imkoniyatini ham taqdim etadi. Tanlovga ro‘yxatdan o‘tish 2023-yil 15-oktabrgacha davom etadi.

Seeds for the Future — kompaniyaning butun dunyo bo‘ylab AKT iste’dodlarini rivojlantirishga qaratilgan korporativ ijtimoiy mas’uliyat bo‘yicha ta’lim dasturidir. Innovatsiyalar va texnologik yutuqlarga tobora ortib borayotgan e'tibor bilan, bu yerda yosh onglar fikr almashishi, butun dunyodagi tengdoshlari bilan bog‘lanishi va ularning kelajagini shakllantiradigan va raqamli hamjamiyatdagi ishtirokini osonlashtiradigan AKT sektori haqida qimmatli ma’lumotlarga ega bo‘lishi mumkin. 2008-yilda ishga tushirilgandan beri 139 mamlakatdan 15 000 dan ortiq talabalar Seeds for the Future ga a'zo bo'lishdi. O'tgan yillarda 450 dan ortiq davlat sektori vakillari loyiha ishtirokchilarini qo'llab-quvvatlagan. Loyiha boshlangan davrdan beri 50 nafar O‘zbekistonlik talabalar dasturni Xitoyda tamomlagan, pandemiya sababli loyihaning onlayn va gibrid versiyalarida esa 82 nafar talaba ishtirok etgan.