CONNECT 2022 HUAWEI global sayohati Tailandda boshlanadi - raqamlashtirish imkoniyatlarini ochish

HUAWEI CONNECT 2022 Huawei kompaniyasining 7-flagman AKT tadbiri bugun Tailandning Bangkok shahrida boshlandi. “Raqamlilashtirish imkoniyatlarini ishga tushiring” shiori ostida butun dunyodan 10 000 dan ortiq AKT sohasi yetakchilari, ekspertlari va hamkorlari raqamli texnologiyalar kuchidan qanday samarali foydalanish, raqamli iqtisodiyotni rag‘batlantirish va raqamli iqtisodiyotni rivojlantirish va yanada chidamli raqamli ekotizimni yaratish bo‘yicha hamkorlikni rivojlantirishni muhokama qilish uchun yillik sanoat bayramiga qo‘shilishdi..

Konferensiyada Huawei keng ko‘lamli tarmoqlarda raqamli rivojlanishni oldinga surish bo‘yicha sa’y-harakatlari bilan o‘rtoqlashdi va global bozor uchun 15 dan ortiq innovatsion bulut xizmatlarini taqdim etdi.

Barcha sohalarni raqamlashtirishga qaratilgan uchta tashabbus

Tadbir boshida Huawei kompaniyasining yangi boshqaruv raisi Ken Xu AKT ekotizimining raqamli transformatsiyadagi umumiy to‘siqlarni yengib o‘tishga yordam beradigan uchta asosiy yo’llarni aytib o‘tdi:

• Raqamli infratuzilmani rivojlantirish, jumladan, ulanishni mustahkamlash va kuchliroq va xilma-xil hisoblash imkoniyatlarini rivojlantirish;
• Tashkilotlarga ilg'or texnologiyalar orqali sakrash yo’li bilan rivojlantirish uchun eng oddiy yondashuv bilan cheklanib qolmasdan, bulutli xizmatlardan to'liq foydalanishga yordam berish;
• Hamkorlikni kengaytirish, ishchilarni raqamli sohaga tayyorgarligini oshirish, kichik va oʻrta biznesni qoʻllab-quvvatlash orqali mahalliy raqamli ekotizimlarni rivojlantirish.

YaIM o'sishi so'nggi ikki yil ichida o'zgaruvchanligicha qoldi. Shu bilan birga, raqamli iqtisodiyot global miqyosda uzluksiz o'sishni boshdan kechirmoqda, 2021 yilda 15 foizdan oshdi, bu ko'plab tashkilotlarni o'z operatsiyalari va xizmatlarini yangi avlod raqamli texnologiyalar bilan birgalikda o'zgartirishga undadi.

“Raqamlilashtirish – to‘g‘ri tanlov, – dedi janob Xu, – talab bor. Va texnologiyalar ham tayyor. Dunyo raqamli mahsuldorlikni qabul qilmoqda, bu hozir sodir bo'lmoqda."

Ken Xu, Huawei kompaniyasining amaldagi bosh direktori, HUAWEI CONNECT 2022 Konferentsiyasida nutq so’zlamoqda

Indoneziyadagi yangi Huawei bulutli hududi va 15+ yangi xizmatlarni chiqarilishi

Tadbir doirasida Huawei Cloud kompaniyasining bosh direktori Chjan Pin’an Indoneziya va Irlandiyada yangi Huawei bulutli hududlari ishga tushirilishini e’lon qildi. 2022-yil oxiriga kelib Huawei Cloud dunyoning 29 mintaqasida 75 ta mavjud zonada ishga tushuriladi va bu 170dan ortiq mamlakat va mintaqalarda xizmat ko‘rsatishni rivojlantirishga xizmat qiladi.

Huawei Cloud va uning hamkorlari, shuningdek, “Bulutli texnologiyalarga oʻtish va globallashuv” ekotizim rejasini (Go Cloud, Go Global) amalga oshirish imkoniyatini qo’ldan boy berishmadi. "Hammasi xizmat sifatida" (Everything as a Service) printsipiga asosiy e'tiborni qaratgan holda, ushbu reja hamkorlikdagi innovatsiyalar va umumiy muvaffaqiyat uchun global sanoat raqamli ekotizimini shakllantirishni tezlashtirishga qaratilgan.

"Hamma narsa xizmat sifatida" printsipiga fokuslanib, Huawei Cloud sanoat innovatsiyalari uchun yetakchi bulut platformasini yaratishga intilmoqda. Jaklin Shi, global marketing va Huawei Cloud savdo xizmatlari prezidenti, global miqyosda 15dan ortiq yangi ilg'or xizmatlar, jumladan Huawei Cloud CCE Turbo, Ubiquitous Cloud Native Service (UCS), Pangu to'lqin modeli , DataArts LakeFormation, Virtual Live, CodeCheck and CloudTest, KooMessage, KooSearch va KooGallery ishga tushirilishini e'lon qildi.

Umumiy muvaffaqiyat uchun mahalliy ekotizimlarni rivojlantirish

Konferentsiya davomida Huawei ochiqlik, hamkorlik va umumiy muvaffaqiyatga sodiqligini yana bir bor ta'kidladi. Kompaniya davlat va xususiy sektorlarni innovatsion hamkorlikni mustahkamlash, iqtidorlar bazasini mustahkamlash va startaplarni qo‘llab-quvvatlash imkonini beradigan mahalliy raqamli ekotizimlarni yaratish uchun yaqin hamkorlik qilishga chaqirdi.

Huawei kompaniyasining Osiyo-Tinch okeani mintaqasining (OTM) prezidenti Saymon Lin o‘z nutqida “Raqamli iqtisodiyot birinchi o’rinda” (Digital First Economy) Oq Kitobini e’lon qildi, u Osiyo-Tinch okeani mintaqasida raqamli infratuzilma va iqtisodiyotni rivojlantirish bo'yicha maqsadli siyosat bo'yicha takliflarni taqdim etadi.

“OTM global raqamlashtirish jarayonining ustunidir, - dedi janob Lin, “Huawei quyidagi mintaqaning raqamli iqtisodiyotiga hissa qo'shishga intilmoqda. Biz mintaqani raqamlashtirish va barqaror rivojlantirish, shuningdek, sanoat ekotizimini barpo etish borasidagi sa’y-harakatlarini qo‘llab-quvvatlashda davom etamiz”.

HUAWEI CONNECT 2022 doirasida Osiyo-Tinch okeani mintaqasi hukumatlarining taniqli vakillari ham nutq so‘zladilar va o‘z mamlakatlarida raqamli iqtisodiyotni rivojlantirish taraqqiyoti, jumladan Tailand Bosh vaziri o‘rinbosari va Energetika vaziri Janobi Oliylari Supattatanapong Punmichau bilan o‘rtoqlashdilar; Tailand raqamli iqtisodiyot va jamiyat vaziri J.O. Chayvut Thanakamanusorn; Indoneziya Respublikasi Iqtisodiy muvofiqlashtirish vaziri J.O. PAirlangga Hartarto; Bangladesh rejalashtirish vaziri J.O. Muhammad Abdul Mannan; Filippin Respublikasi Axborot-kommunikatsiya texnologiyalari departamentining Elektron hukumat bo‘yicha kotib o‘rinbosari J.O. David Almirol; va ASEAN fondi ijrochi direktori doktor Yang Mi Eng.

Uch kunlik Bangkok konferensiyasi 2022-yilda HUAWEI CONNECT Global tadbirlar seriyasining birinchi to’xtashi hisoblanadi. Ikkita asosiy sessiya, oltita sammit va ko‘plab maxsus panel va taqdimotlar bu yil raqamli transformatsiyaning barcha bosqichlarida hukumatlar va korxonalar oldida turgan muammolarni chuqurroq o‘rganishga, Huawei’ning raqamli infratuzilmadagi yutuqlari, shuningdek, kompaniyaning so‘nggi bulutli xizmatlar va ekotizim hamkorlarining yechimlari bilan tanishishga yordam beradi..

HUAWEI CONNECT 2022 tadbiri haqida

Huawei CONNECT global AKT sanoati uchun sanoat konferensiyasi boʻlib, hamkorlik va almashish uchun ochiq platforma yaratishga qaratilgan. Biz sohaning obro’li yo’lboshchilarini, biznes rahbarlarini, texnik ekspertlarni, innovatorlarni, ekotizim hamkorlarini, dastur va xizmat ko'rsatuvchi provayderlarni va ishlab chiquvchilarni ochiq va o'zaro manfaatli tarzda sanoat innovatsiyalari va ekotizimlarni yaratishda biz bilan ishlashga taklif qilamiz. HUAWEI CONNECT 2022 global sayohati allaqachon boshlangan. Tadbirlar Bangkok (Tailand), Dubay (BAA), Parij (Fransiya) va Shenchjen (Xitoy) shaharlarida bo‘lib o‘tadi. Raqamli transformatsiya potentsialini ochib berish uchun birgalikda ishlashda ishtirok eting. Tadbirlar haqida batafsil ma'lumotni HUAWEI CONNECT rasmiy veb-saytidan olishingiz mumkin.