Huawei Yaqin Sharq va Markaziy Osiyo uchun to‘liq yangilangan Xinghe Intelligent Network yechimlarini taqdim etdi, sun’iy intellektga asoslangan tarmoqlar sohasidagi innovatsiyalarga yetakchilik qiladi va intellektual rivojlanishni tezlashtiradi

2025-yil 19-may kuni Toshkentda bo‘lib o‘tgan Huawei Network Summit 2025 sammitida Huawei kompaniyasi Yaqin Sharq va Markaziy Osiyo uchun to‘liq yangilangan Xinghe Intelligent Network mahsulotlari va yechimlarini taqdim etdi. Ushbu yechimlar sun’iy intellektga asoslangan ulanishlar uchun maxsus ishlab chiqilgan va mahalliy hamkorlarga intellektual rivojlanishning yangi imkoniyatlaridan foydalanishga hamda raqamli va intellektual samaradorlikni maksimal darajada oshirishga yordam beradi.

Hozirgi vaqtda sun’iy intellektdan foydalanish boshlang‘ich bosqichda: aksariyat yechimlar faqat mavjud tarmoqni boshqarish tizimlariga (NMS) sun’iy intellekt komponentlarini qo‘shadi va alohida nuqtali masalalarni hal qiladi.

Shon Chjao, Huawei tarmoq kommunikatsiyalari mahsulot qatori vitse-prezidenti: "Biz faqat sun’iy intellektga asoslangan tarmoqlar hayotiy yechim ekanligiga aminmiz. Birinchidan, sun’iy intellekt tarmoqlari qurilmalari sun’iy intellekt uchun mo‘ljallangan o‘rnatilgan hisoblash quvvatlariga ega bo‘lib, bu xizmatlarni aniqroq tanib olish va ularni real vaqt rejimida kafolatli qo‘llab-quvvatlashni ta’minlaydi. Ikkinchidan, tarmoq "miyasi" to‘liq yangilandi: u alohida sun’iy intellekt innovatsiyalari uchun yordamchidan barcha bosqichlardagi jarayonlarni avtomatlashtiradigan to‘laqonli sun’iy intellekt agentiga aylanmoqda. Bularning barchasi foydalanuvchi tajribasini, xavfsizlikni, tarmoqdan foydalanish va texnik xizmat ko‘rsatish imkoniyatlarini tubdan o‘zgartirib, intellektual davr uchun mustahkam tarmoq poydevorini yaratadi."

Huawei'ning tarmoq kommunikatsiyalari mahsulot qatori vitse-prezidenti Shon Chjao

Huawei kompaniyasining to‘liq yangilangan Xinghe Intelligent Network tarmoq yechimlari kampus tarmoqlari, global (keng polosali) tarmoqlar, ma’lumotlarni qayta ishlash markazlari tarmoqlari, shuningdek, tarmoq xavfsizligini ta’minlash kabi barcha asosiy foydalanish holatlarini qamrab oladi. Masalan, Huawei kompaniyasining Wi-Fi Shield yechimi - sohada birinchi bo‘lib - jismoniy darajada shifrlash uchun sun’iy intellektga asoslangan signalni buzish texnologiyasidan foydalanadi, bu esa ma’lumotlar sizib chiqishini to‘liq istisno qiladi. Huawei kompaniyasining foydalanuvchi taassuroti sifatini ta’minlash bo‘yicha intellektual yechimi Teams va Zoom kabi audio va video konferensiyalarning 100 millisekunddan kam kechikish bilan barqaror ishlashini ta’minlashga qodir.

Tarmoq xavfsizligiga yuzaga keladigan tahdidlarga qarshi turish uchun Huawei kompaniyasining sun’iy intellektga asoslangan chegara himoya devorlari noma’lum tahdidlarni aniqlashda 95% gacha samaradorlikni ta’minlaydi, oxirgi nuqtalarni himoya qilish yechimi 2000 dan ortiq himoya nuqtalari mavjudligi bilan ajralib turadi va tahdid manbalarini kuzatish uchun sun’iy intellektga asoslangan grafik dvigateli tahdid manbasini to‘g‘ri aniqlash uchun butun tarmoq bo‘ylab 100 tagacha o‘tishlarni korrelyatsion tahlil qilish imkonini beradi.

Yaqin Sharq va Markaziy Osiyo uchun yangi Xinghe Intelligent Network mahsulotlari va yechimlarining to‘liq assortimentini ishga tushirish

Huawei korporativ ofislar, ta’lim va sog‘liqni saqlash kabi 10 dan ortiq yuqori qiymatli ssenariylarni chuqur o‘rganib, global tijorat bozorlarida faol ishlamoqda. Huawei kompaniyasining yetakchi mahsulot portfeli hamkorlarga turli sohalar uchun yuqori sifatli yechimlarni taqdim etish imkonini beradi. Bundan tashqari, Huawei hamkorlar yechimlarini yetkazib berishning ko‘proq ssenariylarini qo‘llab-quvvatlash uchun foydalanish va texnik xizmat ko‘rsatish vositalarini (O&M) yangiladi - masalan, iMaster NCE platformasida marshrutni ijro etish funksiyasi yaxshilandi, shuningdek, WebMaster tarmog‘ini boshqarishning yengil va vizual tizimi ishga tushirildi.

Global distributsiya bozorlarida Huawei mehmonxonalar, chakana savdo do‘konlari va kichik va o‘rta biznes (SMB) kabi asosiy ssenariylarga e’tibor qaratadi va doimiy ravishda ommabop va energiya tejamkor mahsulotlarni bozorga olib chiqadi. Masalan, Huawei AP266 kirish nuqtasining energiya iste’moli atigi 9,4 Vtni tashkil etadi, bu sanoatdagi o‘rtacha ko‘rsatkichning atigi 61 foiziga teng. Bunga qo‘shimcha ravishda, Huawei hamkorlarga o‘rnatish va xizmat ko‘rsatish samaradorligini oshirishga yordam beradigan yangi aksessuarlarni ishlab chiqdi. Shunday qilib, kirish nuqtalari uchun universal metall montaj kronshteyni o‘rnatishning sakkizta ssenariysi uchun optimal mos keladi, bu esa muhandislarning obyektdagi ish samaradorligini sezilarli darajada oshiradi.

Sammitning boshqa muhim lahzalari qatorida "Imagine Wi-Fi 7 to Reality" dasturining uchinchi mavsumini taqdirlash marosimida nufuzli "Imagine Wi-Fi 7 Pioneer Awards" mukofotining topshirilishi, shuningdek, Xinghe SASE yagona intellektual yechimi bo‘yicha oq kitobning (White book) nashr etilishi ham bor.

Dunyo raqamli transformatsiyadan intellektual transformatsiyaga o‘tishning muhim bosqichida turibdi. Huawei Yaqin Sharq va Markaziy Osiyoni yangi intellektual tarmoqlar davriga olib kirish uchun Xinghe Intelligent Network yechimlarini yanada rivojlantiradi.