Huawei MWC Shanghai 2023 ko‘rgazmasida: Barqaror innovatsiyalar orqali raqamli iqtisodiyotni jonlantirish uchun 5G dan 5.5G ga o’tish evolyutsiyasini tezlashtirish

MWC Shanghai 2023 ko‘rgazmasida Huawei o‘zining barcha imkoniyatlarini “GUIDE to the Intelligent World” tadbirlari doirasida namoyish etdi. Tadbirlar doirasida kompaniya texnologiyalari va biznesini o‘rganish bo‘yicha tajriba safari, shuningdek, 5GigaGreen, 5G smart-yadro tarmoqlari, OptiX Networks smart-tarmoqlari, +X xususiy liniyalari va boshqa intellektual raqamli transformatsiya yechimlari uchun eng so‘nggi innovatsion mahsulotlar va yechimlarni ishga tushirish kiradi.

Huawei global operatorlar, soha hamkorlari va fikr yetakchilari bilan turli mavzularda ko‘plab davra suhbatlari va muzokaralar o‘tkazdi, jumladan, 5G rivojlanishini jadallashtirish, intellektual raqamli transformatsiyani ilgari surish va biznes, sanoat va odamlar uchun qiymat yaratish maqsadida 5,5G davrini ilgari surish kabi masalalar muhokama qilindi. Kompaniya o’z maqsadi - mijozlar uchun yangi qiymat yaratish va doimiy innovatsiyalar orqali raqamli iqtisodiyotni jonlantirish ekanligini ta'kidladi.

Hozir dunyo bo‘ylab 1,2 milliarddan ortiq 5G foydalanuvchisi mavjud va 5G rivojlanishiga tezda o‘tgan operatorlar allaqachon imtiyozlarning birinchi to‘lqinidan bahramand bo‘lmoqda. Bu turli bozorlarda yangi ilovalar qo'yadigan tarmoqlarga talab ortib borayotgani bilan bog'liq. Iste'mol bozorida yangi qo'ng'iroqlar, bulutli telefonlar va ko'zoynaksiz 3D kabi yangi xizmatlar tezroq ma'lumot uzatish tezligini va past kechikishni talab qiladi, sanoat bozorida esa RedCap ekotizimi yetuklashdi, passiv IoT bozori kengayib bormoqda va Transport vositalari interneti (IoV) yuqori ulanish tezligini talab qiladi. Ushbu ilovalar barcha ssenariylarda 100 milliard ulanishga olib kelishi kutilmoqda. Shuningdek, ushbu yangi xizmat modellari sanoatni modernizatsiya qilishga olib keladi va bu imtiyozlarning ikkinchi to'lqinini yaratadi.

Tijoriy 5G xizmatlari bozorga to'rt yil oldin kirgan va shundan beri butun dunyo bo'ylab 17 000 dan ortiq xususiy tarmoq loyihalarida qo'llanilgan. Shaxsiy 5G daromadlari ham, sanoat aloqalari ham uch barobar oshdi.

Ko'pgina 5GtoB xizmatlari Xitoyda sinovdan o'tkazilgan bo'lsa-da, ular keyinchalik dunyoning boshqa mintaqalariga tarqaldi va Osiyo Tinch okeani, Yevropa, Yaqin Sharq va Afrikada tijoratlashtirildi. Ushbu xizmatlar sanoat mijozlariga ishlab chiqarish, portlar, konlar, neft konlari va sog'liqni saqlash kabi sohalarda intellektual raqamli transformatsiyani amalga oshirish orqali xarajatlarni kamaytirish va samaradorlikni oshirish imkonini beradi.

5.5G aloqa sanoatiga ham tez yaqinlashmoqda. 5.5G texnologiyalari tarmoq imkoniyatlarini 10 barobar yaxshilashi va operatorlar uchun 100 barobar ko‘proq biznes imkoniyatlarini yaratishi kutilmoqda. Bu yilgi MWC Shanghai ko'rgazmasida Huawei 5,5G - 10 Gbit/s pastga ulanish, 1 Gbit/s yuqoriga ulanish, 100 milliard ulanish va o'z-o'zini o’rganuvchi Sun’iy Intellektning to'rtta asosiy xususiyatini namoyish etdi. Kompaniya, shuningdek, 5.5G tufayli muhim bo'lishi kutilayotgan ulanishning beshta sohasini - insonlar, narsalar, transport vositalari, sanoat va uylar uchun ulanishni o'rganmoqda.

Huawei allaqachon butun dunyo bo'ylab bir qator operatorlarga 5.5G tijoriy sinovlarini o'tkazishda yordam berishni boshladi. 5.5G sanoati jadal rivojlanadi, chunki 5.5G standartlarining birinchi chiqarilishi 2024-yilning birinchi yarmida kutilmoqda va tegishli texnologiyalar allaqachon keng qamrovli sinovdan oʻtgan.

Huawei kompaniyasi raisi va moliya direktori Sabrina Men "Embracing 5G transformation" mavzusidagi asosiy ma'ruza bilan chiqdi. U shunday dedi: "Kelajakdagi intellektual dunyoning raqamli infratuzilmasi hayotimiz, sanoat va jamiyatimizning barcha jabhalariga chuqur integratsiya qilinadi".

"Raqamli va intellektual transformatsiya - faqatgina texnologiya emas. Bu koʻproq boshqaruvga yondashuvni oʻzgartirish bilan bogʻliq. Raqamli texnologiyalarga oʻtish insonlar, hodisalar, narsalar va nazariya oʻrtasidagi munosabatlarni qayta belgilashni, shuningdek, yanada ochiqroq, oldinga siljish tamoyilini qabul qilishni talab qiladi.", deya qo'shimcha qildi Sabrina.