Huawei O‘zbekistonda yangi bosh direktor tayinlangani haqida e’lon qildi

Chen Szyakay (Chen Jiakai) O‘zbekistondagi Huawei kompaniyasining bosh direktori lavozimiga tayinlandi.

Bu lavozimda Chen Szyakay O‘zbekistondagi biznes strategiyasi va ofis boshqaruvi uchun mas’ul bo‘ladi, shuningdek avvalgi direktor janob Liu Jiaxing tomonidan berilgan O‘zbekistonning raqamli rivojlanishiga ko‘maklashish bo‘yicha izchil ishlarni davom ettiradi.

Yangi direktorning asosiy vazifalari mahalliy hamkorlar, aloqa operatorlari, ishlab chiqaruvchilar, ta’lim muassasalari va nodavlat notijorat tashkilotlari bilan hamkorlikni kuchaytirishdan iborat bo‘ladi. Chen Szyakay rahbarligida Huawei hamkorlar bilan mavjud AKT infratuzilmasini mustahkamlash va 5G, sunʼiy intellekt, bulutli yechimlar kabi yangi texnologiyalarni joriy etishda davom etadi.

“Huawei kompaniyasining O‘zbekistondagi direktori lavozimiga tayinlanganimdan mamnunman, sababi- bu yerda mamlakat rahbariyati axborot-kommunikatsiya sohasini rivojlantirish, raqamli xizmatlarni kundalik hayotga jadal joriy etishga alohida e’tibor qaratmoqda. Huawei O‘zbekistonda 20 yildan ortiq vaqtdan beri faoliyat yuritib keladi va har bir inson, uy va tashkilot uchun qiymatlar yaratish maqsadida mahalliy operatorlar va hamkorlar bilan hamkorlik qiladi. Shuningdek, innovatsion texnologiyalarni joriy etish orqali jamiyatni yaxshilashga hissa qo‘shishga umid qilaman”, — dedi Chen Szyakay.

Chen Szyakay, O‘zbekistondagi Huawei kompaniyasining direktori