Huawei және салалық серіктестері GSMA және GTI ұйымдастырған әлемдегі алғашқы New Calling x AI Challenge байқауында төрт марапатқа ие болды
MWC Shanghai 2025 көрмесі аясында өткен GTI (TD-LTE жаһандық бастамасы) саммитінде әлемдегі алғашқы New Calling x AI Challenge байқауының жеңімпаз командалары жарияланды.
Huawei өз салалық серіктестерімен бірге 5G-A және ЖИ технологияларын біріктірген табысты қосымшаларды ұсынып, New Calling индустриясының инновациялық дамуына нақты үлгі бола алатын практикалық шешімдермен төрт басты марапатты жеңіп алды. GSMA Foundry мен GTI бірлесіп ұйымдастырған бұл байқау New Calling секторы бойынша алғашқы жаһандық инновациялық байқау ретінде танылды. Ол бүкіл әлемнен New Calling қызметтерін қолданудың инновациялық әрі әлеуетті үлгілерін қолдап, жаһандық байланыс экожүйесін жаңғырту мақсатын көздеді. Байқауға 16 университет пен 58 кәсіпорыннан шамамен 100 өтінім түсті. Бұл өтінімдер жеке қолданушылар мен кәсіпорындарға арналған креативті қосымшаларды көрсетті. Осындай кең ауқымды қатысу әлемдік саланың New Calling мен ЖИ технологияларын біріктіруге деген ұмтылысын және қызмет саласындағы инновацияны ілгерілету ниетін дәлелдейді.
GSMA және GTI ұйымдастырған New Calling x АІ Challenge байқауы аясында China Mobile Jiangsu, Huawei және басқа да салалық серіктестермен бірлесіп «5G New Calling x АІ In-Nanjing» жобасымен бірінші орынды иеленді. Сонымен қатар, stc мен Huawei әзірлеген «New Calling мен ЖИ-дің терең интеграциясы арқылы stc банкінің клиенттерге интеллектуалды қызмет көрсетуінің жаңа парадигмасын зерттеу» жобасы да жеңімпаз атанды.
Екінші орынды China Mobile Henan мен Huawei «Service АІ x Network АІ: New Calling мен деректерді өңдеу орталықтарына негізделген жаңа клиенттік қызмет мүмкіндіктерін кеңейту» шешімімен иеленді.
Үшінші орынды Huawei әзірлеген «A2A: Агенттердің интеллектуалды өзара әрекеттесуі арқылы байланыс революциясы» жобасы жеңіп алды. Бұл бастама ЖИ-дің пайдаланушы тәжірибесін трансформациялаудағы әлеуетін көрсетеді.
Мобильді ЖИ дәуіріндегі жаңашыл шешім ретінде New Calling коммерциялық қолдануға жылдам енгізіліп жатыр. Visualized Voice Calling, Idol Calling, Real-Time Translation және Simultaneous Interpretation секілді қызметтер Қытайда, Еуропада, Таяу Шығыста, Азия-Тынық мұхиты аймағында және Латын Америкасында коммерциялық тұрғыда енгізілген. New Calling операторларға өздерінің бизнес-моделін дәстүрлі дауыс қызметінен контенттік операцияларға трансформациялауға мүмкіндік береді. GTI, China Mobile, Huawei және басқа да жаһандық серіктестермен бірге GSMA GSMA Foundry және 5G New Calling Task Force құрылымдарын құрды. Олар бірлесіп инновациялық демонстрациялар мен техникалық құжаттарды әзірлеп, New Calling саласындағы ынтымақтастық пен өсімді қолдауға бағытталған.
Huawei Cloud Core Network өнімдер желісіндегі CS&IMS Domain президенті Ма Пэн марапаттарды қабылдады.
«New Calling мен ЖИ-дің интеграциясы қызмет саласындағы инновацияны ілгерілетіп, нөмір теру панелін ЖИ негізінде жұмыс істейтін кең ауқымды қызметтерге қолжетімділік құралына айналдырады және операторларға бизнесте табысқа жетуге көмектеседі», — деді Ма Пэн. «New Calling жетістігі — саланың ұжымдық ынтымақтастығы мен тұрақты ұстанымына байланысты. Huawei операторлар және салалық серіктестермен бірге инновацияларды алға жылжытып, дауыс индустриясының трансформациялық болашағын қалыптастыруды жалғастырады».
MWC Shanghai 2025 көрмесі 18–20 маусым аралығында Қытайдың Шанхай қаласында өтеді. Шара барысында Huawei Шанхайдың жаңа халықаралық көрме орталығының (SNIEC) N1 залында өз өнімдері мен шешімдерінің соңғы жаңалықтарын ұсынады.
2025 жылы 5G-Advanced белсенді енгізіле бастайды. Huawei әлемдік операторлармен, сарапшылармен және пікір көшбасшыларымен ынтымақтастығын жалғастырып, ЖИ саласындағы инновациялардың телекоммуникациялық қызметтерді, инфрақұрылымды және операцияларды қалай өзгерте алатынын зерттейді. Бұл жаңа табыс көздерін қалыптастырып, интеллектуалды әлемге көшуді жеделдетуге ықпал етеді.