Huawei 5G-A дамуы мен сценарийлік ЖИ құндылығын таныстырды

MWC Shanghai 2025 көрмесі аясында Huawei компаниясы 5G Advanced (5G-A) технологиясы мен ЖИ-агенттерге негізделген сценарийлік сервистер арқылы пайдаланушы тәжірибесін монетизациялаудағы жаңа жетістіктерін таныстырды. Биылғы іс-шарадағы компанияның көрмесі «Зияткерлік әлемге жылдам қадам» (Accelerating the Intelligent World) тақырыбымен өтті. Huawei жаһандық операторлармен, салалық серіктестермен және пікір көшбасшыларымен кездесіп, ЖИ арқылы құндылық құруға негізделген операторлар дамуының жаңа жолдарын талқылауға ниетті болды.

Huawei көрмесі үш негізгі бағыттағы соңғы инновацияларға негізделді:

• Сервистер: Huawei Қытайдың үш ірі операторының қатысуымен жүзеге асқан 5G-A тәжірибесін монетизациялау және сценарийлік ЖИ (AI-to-X) енгізу бойынша бірқатар табысты жобалар жайлы хабарлады.
• Инфрақұрылым: Huawei серіктес операторлармен бірге ЖИ-ге бағдарланған желілерді құру тәжірибесін таныстырып, коммерциялық табысқа жету үшін ЖИ есептеу орталықтарын қалай құру керектігін талқылады. Сондай-ақ, компания желінің барлық деңгейін – үйдегі кең жолақты қосылымнан бастап тасымалдау желілеріне дейін қамтитын жаңа AI Ultra-Broadband (AI UBB) кешенді шешімін таныстырды. Бұл шешімге кіріктірілген есептеу қуаты және кешенді өнімділік жетілдірулері енгізілген, бұл желілердің автономия деңгейін арттыруды, ЖИ-қосымшалар жұмысын оңтайландыруды және бизнестің өсуін қамтамасыз етеді.
• Операциялар: Huawei Қытайдың үш ірі операторының қатысуымен сымсыз желілер мен үйдегі кең жолақты интернеттің интеллектуалды эксплуатациясы саласындағы алдыңғы қатарлы тәжірибе мен жетістіктерді, сондай-ақ ЖИ негізінде есептеу қызметтерін (оқыту мен болжам жасау тапсырмалары үшін) ұсынды. Бұл тәжірибелер операторларға есептеу қуатын құру, қызмет көрсету және тиімді пайдалану мүмкіндігін береді.

2025 жылы 5G-A технологиясының коммерциялық енгізілуі Қытай, Таяу Шығыс және Азия-Тынық мұхиты аймақтарын қоса алғанда, бірнеше өңірде жеделдейді деп күтілуде. Бұл аймақтардағы операторлар пайдаланушы тәжірибесін монетизациялау модельдерін белсенді зерттеуде.

Huawei компаниясының директорлар кеңесі төрағасының орынбасары және ауыспалы төрағасы Эрик Сюй телекоммуникация саласындағы өсімді ынталандыру жолдары жөнінде негізгі баяндама жасады. Сөзінің басында ол саланың қазіргі жағдайына тоқталып: «Қырық жылға жуық серпінді дамудан кейін сала тұрақты даму кезеңіне қадам басты, алайда жаңа өсім нүктелерін іздеуде бірқатар қиындықтарға тап болып отыр», – деді.

Содан кейін Эрик Сюй одан әрі даму үшін мүмкін болатын төрт бағытқа егжей-тегжейлі тоқталды:

• Пайдаланушылардың қажеттіліктеріндегі өзгерістерді жеделдету және жоғары өсу әлеуеті бар жаңа талаптарды қанағаттандыру
• Бүкіл экожүйе аясындағы үйлестірілген күш-жігер арқылы HD-видеоны жеткізу мен тұтынуды арттыру
• Интеллектуалды қосылған көлік құралдары саласындағы жаңа өсім үшін 5G технологиясын әрбір автокөлікке біріктіру
• Жасанды интеллекттің ұсынған мүмкіндіктерін барынша пайдалану мақсатында FTTR технологиясын шағын және микро-бизнестерге енгізу

«Әрине, әрбір оператор бір-бірінен ерекшеленеді», — деп түйіндеді Сюй. «Олардың нарықтары, іскерлік ортасы және бәсекелестік жағдайы да әртүрлі. Сондықтан олардың өсу жолдары да әртүрлі болады. Біз бірге жұмыс істеуге дайынбыз және операторларға өздеріне тән мүмкіндіктерді зерттеп, ұзақ мерзімді әрі тұрақты өсуге апаратын дұрыс жолдарды табуға көмектескіміз келеді».

Қытай бүгінде 5G-A технологиясы бойынша жаһандық көшбасшыға айналды: бұл желі елдің 300-ден астам қаласында қолжетімді. Қазір операторлар 30-дан астам провинцияда 5G-A мобильді тарифтерін ұсынып отыр, ал 5G-A пайдаланушыларының саны 10 миллионнан асты. Қытай, Таяу Шығыс және басқа да аймақтардағы операторлар пайдаланушы тәжірибесін монетизациялауға арналған жаңа құндылық құрылымын зерттеуде және премиум-жаңғырту бастамаларын енгізуде.

5G-A пайдаланушыларға өте жоғары жылдамдықтағы желіге қолжетімділік беріп қана қоймай, смарт-үй, көлік және өндіріс сияқты түрлі салаларда интеллектуалды трансформацияға жол ашады.

Байланыс саласы жасанды интеллект негізіндегі инновациялардың арқасында үлкен өзгерістер кезеңіне аяқ басты. Пайдаланушы тәжірибесін монетизациялаудың жаңа модельдерінің сәттілігі саланың жаңа өсу дәуірінің жақындап келе жатқанын білдіреді. Бұл өзгерістер адамдардың бір-бірімен, ұйымдармен және қоғаммен қарым-қатынас жасау тәсілін түбегейлі өзгертеді деп күтілуде.

Байланыс операторлары — бұл өзгерістерді іске асыруда ерекше артықшылыққа ие. Олар бұл артықшылықты бұлтты технологиялар, желілік инфрақұрылым, интеллектуалды шешімдер және есептеу қуаты салаларындағы мықты позициялары арқылы пайдалана алады. ЖИ технологиялары сервистерді, инфрақұрылымды және операциялық үдерістерді трансформациялауға жол ашып, жаңа бизнес-өсу мүмкіндіктерін тудырады.

MWC Shanghai 2025 көрмесі 18–20 маусым аралығында Қытайдың Шанхай қаласында өтті. Іс-шара аясында Huawei компаниясы Шанхайдың Жаңа халықаралық көрме орталығындағы (SNIEC) N1 павильонында өздерінің ең жаңа өнімдері мен шешімдерін таныстырды.

5G-Advanced технологиясының коммерциялық енгізілуі 2025 жылы қарқын алуда. Huawei жаһандық байланыс операторларымен, салалық сарапшылармен және пікір көшбасшыларымен бірлесе отырып, ЖИ саласындағы инновацияларды телекоммуникациялық қызметтерді, инфрақұрылымды және операцияларды трансформациялау үшін қалай қолдануға болатынын зерттеуде. Мақсат — жаңа табыс көздерін қалыптастырып, зияткерлік әлемге көшу үдерісін жеделдету.