China Unicom Beijing va Huawei 5G-A GigaUplink yordamida 2-Butunjahon gumanoidsimon robotlar o‘yinlarida aloqa ta’minladi

2-Butunjahon gumanoidsimon robotlar o‘yinlarida (World Humanoid Robot Games) China Unicom Beijing va Huawei robototexnikaning real ssenariylarida 5G-A GigaUplink tarmog‘ining imkoniyatlarini namoyish etdi. Yuqori “uplink” o‘tkazuvchanligi, past kechikish va ishonchli ulanish kelajakda gumanoidsimon robotlarning ixtisoslashtirilgan maydonlardan tashqariga chiqib, kundalik hayotning bir qismiga aylanishi uchun asos yaratmoqda.

22-avgust kuni Pekindagi «Muz tasmasi» Milliy konkida uchish stadioni hududida 2-Butunjahon gumanoidsimon robotlar o‘yinlari boshlandi. Musobaqalar zamonaviy robototexnika tizimlari va yuqori tezlikdagi mobil tarmoqlar qanday qilib birgalikda ishlashi hamda mujassamlashtirilgan sun’iy intellekt (Embodied AI) uchun yangi ssenariylarni qo‘llab-quvvatlashi mumkinligini namoyish etuvchi yirik maydonga aylandi.

China Unicom Beijing va Huawei kompaniyalarining «5G Capital» qo‘shma dasturi keng ko‘lamli 5G va 5G-Advanced (5G-A) infratuzilmasini, shuningdek, «aqlli shaharlar» sohasidagi innovatsiyalarni rivojlantirishga qaratilgan. O‘yinlar doirasida kompaniyalar 5G-A GigaUplink asosida integratsiyalashgan raqamli infratuzilmani yaratdi. U tadbirni intellektual boshqarish, robotlar musobaqalarini o‘tkazish va tomoshabinlar uchun sifatli mobil aloqani ta’minlaydi. Shu bilan birga, tarmoq imkoniyatlari sport arenasidangina iborat emas. Uning joriy etilishi gumanoidsimon robotlarni tarmoqqa ulash va ulardan kelajakda kundalik hayotda foydalanish uchun asos yaratadi. Pekinda «5G Capital» tashabbusi doirasidagi GigaUplink tarmog‘i madaniy turizm, mujassamlashtirilgan sun’iy intellekt, mobil sun’iy intellekt va turli tadbirlarni o‘tkazish sohalaridagi tobora ko‘payib borayotgan ssenariylar uchun keng qamrovli, xavfsiz va ishonchli ulanishni allaqachon ta’minlamoqda.

Bu yil o‘yinlar miqyosi va murakkabligi jihatidan sezilarli darajada kengaydi. Jami 51 ta yo‘nalish bo‘yicha 1301 ta musobaqa o‘tkazilmoqda, ularda dunyoning turli mamlakatlaridan 666 ta jamoa tarkibidagi 2056 ta gumanoidsimon robot ishtirok etmoqda. Yo‘nalishlar soni deyarli ikki baravar oshdi: dastlabki o‘yinlarda 26 ta yo‘nalish bo‘lgan bo‘lsa, bu yil ularning soni 51 taga yetdi. Dasturga yangi musobaqa turlari, jumladan, stol tennisi va kikboksing ham qo‘shildi. Amaliy ssenariylar doirasi ham kengaydi. Endilikda robotlar ishlab chiqarish, mehmonxona sohasi, uy muhiti va logistika bilan bog‘liq vazifalarni bajarmoqda. Raqs yo‘nalishlarida bir nechta robotning sinxron ishlashiga ko‘proq e’tibor qaratilmoqda. Musobaqalarning o‘zi ham murakkablashdi: avtonom musobaqalar va robotlar mustaqil ravishda bajarishi kerak bo‘lgan vazifalar soni oshdi. Bu esa mobil tarmoqqa qo‘yiladigan talablarni sezilarli darajada kuchaytiradi. Barqaror ishlash uchun robotlar telemetriyasini real vaqt rejimida uzatish, boshqaruv signallarining aniq yetkazilishini ta’minlash va bir nechta mashinaning ishini muvofiqlashtirish zarur. Shu sababli yuqori “uplink” o‘tkazuvchanligi, minimal kechikish va ulanishning ishonchliligi ayniqsa muhim.

Zarur aloqa parametrlarini ta’minlash uchun China Unicom Beijing va Huawei 100 MGts polosaga ega maxsus ajratilgan tarmoqni ishga tushirdi. Uni robotlar telemetriyasini uzatish va real vaqt rejimida boshqaruv signallarini aniq almashishni qo‘llab-quvvatlaydigan 300 MGts polosali ultra keng polosali ichki LampSite tarmog‘i to‘ldirdi. 5QI 7 maxsus tarmoq kesimi izolyatsiya mexanizmlari bilan birgalikda gumanoidsimon robotlar uchun tarmoqning boshidan oxirigacha bo‘lgan kechikishini 30 millisekund doirasida ta’minlaydi. Bu qaror qabul qilish va buyruqlarga millisekund darajasida javob berishni qo‘llab-quvvatlash, shuningdek, bir nechta robotning harakatlarini aniq muvofiqlashtirish, to‘siqlarni aylanib o‘tish va yuqori aniqlikni talab qiladigan harakatlarni bajarish imkonini beradi. Maydondagi sinovlar davomida “uplink” orqali ma’lumot uzatishning maksimal tezligi 1 Gbit/s ga yetdi, o‘rtacha kechikish esa 30 millisekunddan kam bo‘ldi.

Maxsus ajratilgan tarmoqni yuqori aniqlikdagi BeiDou RTK (Real-Time Kinematic) pozitsiyalash tizimi bilan integratsiya qilish qo‘shimcha imkoniyatlarni taqdim etadi. U detsimetrdan subdetimetr darajasigacha bo‘lgan pozitsiyalash aniqligini ta’minlaydi. Bu murakkab sharoitlarda avtonom navigatsiya, to‘siqlarni tezda aylanib o‘tish va quvib o’tish vazifalarini yuqori aniqlikda bajarish uchun zarur.

Robotlar uchun muhim bo‘lgan ulanishni ta’minlashdan tashqari, China Unicom stadiondagi tomoshabinlar uchun mobil aloqa sifatiga ham alohida e’tibor qaratdi. Yirik tadbirlar davomida tarmoqqa tushadigan yuklama doimiy ravishda o‘zgarib turadi — ayniqsa tomoshabinlarning kirib kelishi, musobaqalar boshlanishini kutish, bevosita musobaqalar vaqtida va ular yakunlanganidan keyin. Shu sababli tarmoq resurslari va xizmat ko‘rsatish parametrlari tadbirning bosqichi hamda stadionning muayyan hududiga qarab dinamik tarzda sozlanadi. Avvalo, tarmoq asosiy xizmatlarning barqaror ishlashini ta’minlaydi — xabar almashish, chiptalar bilan bog‘liq xizmatlar, QR-kod orqali kirish va mobil to‘lovlar. Shu bilan birga, u katta hajmdagi ma’lumotlarni uzatishni, jumladan, fotosuratlarni yuklash, qisqa videolarni joylashtirish va jonli efirlarni qo‘llab-quvvatlaydi. Buning natijasida tomoshabinlar tarmoqqa maksimal yuklama tushgan paytlarda ham aloqada bo‘lib, muloqot qilishlari va musobaqalarning yorqin lahzalarini real vaqt rejimida baham ko‘rishlari mumkin.

China Unicom, shuningdek, tadbirlarni o‘tkazish ssenariylari uchun mo‘ljallangan Xitoydagi birinchi mujassamlashtirilgan sun’iy intellekt robotlarini boshqarish platformasini ishlab chiqdi. Har bir robotga noyob tarmoq identifikatori beriladi. Buning yordamida tashkilotchilar real vaqt rejimida robotning maydondagi joylashuvini ko‘rishlari, uning musobaqadagi ishtiroki holatini kuzatishlari va asosiy ekspluatatsion ko‘rsatkichlarini nazorat qilishlari mumkin. Bunday yondashuv robotlarni boshqarish va ekspluatatsiya qilishning yopiq tizimini yaratish imkonini beradi.

China Unicom Beijing bosh direktorining o‘rinbosari Yan Lifan shunday ta’kidladi: «Tarmoqni joriy etish nafaqat China Unicom tarmog‘i imkoniyatlarining amaliy sinovi, balki mujassamlashtirilgan sun’iy intellektni keng miqyosda joriy etish uchun tarmoq ishonchliligini ta’minlash bo‘yicha qimmatli tajriba to‘plash imkoniyatidir. China Unicom “5G Capital” tashabbusi doirasida olingan tajribaga tayanishda va texnologik innovatsiyalarni mobil sun’iy intellekt davri uchun amaliy hamda takroran qo‘llash mumkin bo‘lgan tarmoq imkoniyatlariga aylantirishda davom etadi. Shu orqali biz sanoatdagi innovatsiyalarni qo‘llab-quvvatlash va China Unicom ekspertizasi yordamida Xitoy yechimlarini jahon darajasiga olib chiqishga ko‘maklashishni maqsad qilganmiz».

Huawei kompaniyasining TDD simsiz mahsulotlari bo‘limi prezidenti Devid Li quyidagilarni bildirdi: «2-Butunjahon gumanoidsimon robotlar o‘yinlari 3,5 GGs 2CC va 2,1 GGs SUL (qo‘shimcha “uplink” kanali) asosidagi 100 MGts polosali 5G-A GigaUplink tarmog‘ining mujassamlashtirilgan sun’iy intellekt ssenariylaridagi imkoniyatlarini ishonchli tarzda namoyish etdi. Kelgusida Huawei China Unicom Beijing bilan hamkorlikni davom ettirib, “uplink” imkoniyatlarini yanada kuchaytiradi va spektrdan foydalanishni yanada samarali muvofiqlashtiradi. Kompaniyalar qurilmalardan bulutga multimodal ma’lumotlarni uzatish uchun xizmat ko‘rsatish sifati differensiallashtirilgan ko‘p darajali tarmoq imkoniyatlarini rivojlantirishni rejalashtirmoqda. Bu mujassamlashtirilgan sun’iy intellektning turli ssenariylarida real vaqt rejimidagi o‘zaro aloqalar va aniq boshqaruvni ta’minlash uchun zarur.

Tarmoqlar faqat tezlikdan iborat emas. Past kechikish, yuqori ishonchlilik va keng qamrov ham bundan kam ahamiyatga ega emas. Ushbu imkoniyatlarga tayanib, biz “5G Capital” tashabbusini ilgari surishda, tarmoqlar unumdorligi chegaralarini kengaytirishda va mobil sun’iy intellekt davri uchun mustahkam poydevor yaratishda davom etamiz. Bunda soha hamkorlari bilan birgalikda aqlli kelajakni barpo etishga intilamiz».