Әлемдегі мәдени туризмге арналған алғашқы коммерциялық мультимодальды үлкен тілдік модель (LLM) кеңінен қолданыла бастады

Мәдени туризмге арналған әлемдегі алғашқы коммерциялық мультимодальды үлкен тілдік модель (LLM) – BoGuan Қытайдың Сиань қаласында кеңінен қолданыла бастады. Бұл модель материалдық емес мәдени мұраға арналған цифрлық зияткерлік меншікті қалыптастыруды, мәдени туризмге арналған қосымшаларды әзірлеуді және қысқаметражды сериалдар өндірісінің тиімділігін арттыруды қолдау арқылы коммерциялық нәтиже беруде. Осылайша, ол Қытайдың мәдени мұраны сақтау бастамаларына да, мәдени туризм индустриясының дамуына да жаңа серпін беріп отыр.

Сиань – Қытайдың ең көне қалаларының бірі әрі халықаралық деңгейдегі ең танымал туристік бағыттардың бірі. Shaanxi Cultural Industry Investment Group (SCG) компаниясы Huawei, China Telecom Shaanxi және China West Airport Group (CWAG) сияқты серіктестерімен бірлесіп AI мен 5G-A қоса алғанда, цифрлық технологиялардың көмегімен мәдени туризмді дамытуда. Мысалы, BoGuan саяхатшыларға арналған жаңа AI көмекшісінің жұмысын қамтамасыз ету үшін пайдаланылуда. Биылғы жылдың наурыз айына қарай бұл көмекші 4 миллионнан астам пайдаланушыға қолжетімді болды.

2025 жылғы қыркүйекте SCG және Huawei мәдени туризмге арналған әлемдегі алғашқы коммерциялық мультимодальды BoGuan LLM моделін таныстырды. Сонымен қатар бұл Қытайдағы мәдени мұраны сақтауға арналған алғашқы салалық модель болып табылады. Модель интеллектуалды есептеу инфрақұрылымы мен жоғары сапалы деректер жиынтығына негізделген. Оның құрамында 1,2 ПБ-тан астам дерек бар, оның ішінде 31 миллион сурет, 4,4 миллион минуттық бейнематериал, 2,18 миллион минуттық аудиожазба, 510 үшөлшемді модель және 960 миллион құрылымдалған мәтін бірлігі қамтылған.

BoGuan музей деңгейіндегі мәдени жәдігерлер туралы материалдар сияқты жоғары дәлдіктегі мультимодальды контентті генерациялай алады. Бұл оған мәдени жәдігерлердің жаңа цифрлық таныстырылымдарын әзірлеуді, дәстүрлі қолөнерді цифрландыру мен сақтауды, сондай-ақ материалдық емес мәдени мұраға арналған цифрлық IP жасауды қолдауға мүмкіндік береді. Қамырдан мүсін жасаудың шебері Чжан Бэйюань (Zhang Beiyuan): «Осы модельдің көмегімен бұрын екі-үш ай уақыт алатын мүсінді енді бір аптаға жетпейтін уақытта аяқтай аламын», – деді. BoGuan сондай-ақ цифрлық контент жасау үшін де пайдаланылады. Соның ішінде жергілікті мәдени мұра элементтерін «Чжао кесенесіндегі алты тұлпар» тас бедерлерімен біріктіру арқылы жасалған танымал Tang Biaobiao мульткейіпкері соның бір мысалы болып табылады. Осы кейіпкерге байланысты цифрлық коллекциялық бұйымдар мен креативті өнімдердің сатылымы 2 миллион юаньнан асты.

Мәдени мұраны сақтаумен қатар BoGuan АІ-фотосурет және саяхатшыларға арналған AI көмекші сияқты мәдени туризмге арналған бірқатар қосымшаларды әзірлеуде де қолданылады. Келушілер GO-SHAANXI қосымшасында AI көмекшісімен тікелей байланысып, саяхат бағыттарын құрастырып, оларды өзгерте алады, сондай-ақ нақты уақыт режимінде мәдени іс-шараларға қатысты ұсыныстар ала алады. Zhiying Camera шағын бағдарламасы пайдаланушылардың фотосуреттерін тарихи көріністермен лезде ЖИ көмегімен біріктіретін ақылы қызметтерді ұсынып, келушілерге «ежелгі дәуірге саяхат жасауға» мүмкіндік береді. Контентті тұтынудың жаңа мүмкіндіктері мәдени туризм саласындағы сапалы деректердің коммерциялық құндылығын ашып отыр. Бұдан бөлек, SCG мәдени туризм тақырыбындағы қысқаметражды сериалдарды өндіруді біріктіру, сондай-ақ қысқаметражды сериалдар өндірісімен танымал Сиань қаласында өндірістің тиімділігі мен сапасын арттыру үшін BoGuan моделін пайдалануда.

Сонымен қатар China Telecom Shaanxi және Huawei Сиань қаласындағы ең танымал туристік орындардың бірі – Grand Tang Mall («Ұлы Тан династиясының көшесі») аумағында үш компонентті 3CC технологиясына негізделген 5G-A желісін іске қосты. Бұл желі жоғары бағыттағы арнада 600 Мбит/с, ал төмен бағыттағы арнада 3,5 Гбит/с ең жоғары жылдамдықты қамтамасыз етеді. Бұл кәдімгі 5G желілерімен салыстырғанда шамамен 10 есе жоғары.2026 жылғы мамырдағы мерекелік демалыс күндері желі бір мезгілде 23 мың пайдаланушының қосылуын қамтамасыз етіп, бейнероликтерді кідіріссіз көруге және әлеуметтік желілерді ешқандай іркіліссіз пайдалануға мүмкіндік берді. Сонымен қатар Grand Tang Mall аумағында 5G-Advanced технологиясы негізінде жүргізілген жоғары айқындықтағы (HD) тікелей трансляциялар жаңа келушілерді тартудың маңызды құралына айналды. Жарияланған статистикалық мәліметтерге сәйкес, тікелей эфир көрермендерінің орташа қарау уақыты екі есеге жуық артқан, ал сатып алулардың орташа чегі 62%-ға өскен.

Huawei компаниясының Шэньси провинциясындағы өкілдігінің бас директоры Эдрик Чу (Edric Chu): «Жасанды интеллект – бұл тек технологиялардың жиынтығы ғана емес. Ол ғасырлар бойы қалыптасқан мәдени мұраны жаңғыртуға, саяхат жасау тәсілдерін өзгертуге және тұтас бір саланың дамуына жаңа серпін беруге қабілетті негізгі факторға айналды. Алдағы уақытта Huawei серіктестерімен бірлесіп цифрлық және интеллектуалды технологиялардың көмегімен мәдени мұраны сақтауды нығайтуға және мәдени туризм саласының дамуын ынталандыруға бағытталған жұмысты жалғастырады», – деп атап өтті.