Мемлекеттік басқаруды қайта пайымдау: Huawei GovTech 1.0 болашақ сын-қатерлеріне дайын басқару моделін қалыптастыруда

Жасанды интеллект ұлттық бәсекеге қабілеттілік стандарттарын өзгертіп жатыр. Осы сын-қатерге жауап ретінде Huawei мемлекеттік секторды цифрлық дәуірден интеллектуалды кезеңге көшіруге арналған GovTech 1.0 стратегиялық жоспарын ұсынды. Бұл тек бағдарламалық қамтамасыз етуді жаңарту емес, мемлекеттік басқарудың операциялық жүйесін түбегейлі қайта құруды білдіреді.

Цифрландырудан ЖИ дәуіріне

Бұрын цифрландыру үдерістерді цифрлық форматқа көшірумен және порталдар құрумен шектелетін. Жүйелер оқшауланған жобалар ретінде қалыптасып, бұл деректердің бытыраңқылығына әкелді. Тіпті бұлттық шешімдерге көшкеннен кейін де қызметтер реактивті күйде қалды: азаматтар әлі де бір құжаттарды түрлі ведомстволарға қайта-қайта ұсынуға мәжбүр.

Жасанды интеллект дәуірінде мұндай тәсіл тиімсіз. Технологиялардың әлеуетін толық іске асыру үшін үкімет деректер арасындағы кедергілерді жойып, адамға бағытталған проактивті басқаруға көшуі қажет.

Жаһандық перспективаларды бағалау үшін Huawei Цифрландыру және интеллекттің жаһандық индексін (GDII) ұсынады. Huawei, IDC және GSMA Intelligence бірлесіп әзірлеген бұл индекс 90 елдің көрсеткіштерін деректерді құру, беру, өңдеу, сақтау және қолдану, сондай-ақ цифрлық энергетика, саясат, кадрлық әлеует және экожүйе сияқты жеті бағыт бойынша салыстырады. Бұл неғұрлым тиімді стратегияларды әзірлеуге және негізделген инвестициялық шешімдер қабылдауға құнды бағдар береді.

GovTech 1.0

Huawei-дің пайымдауынша, әлем желілер мен бұлттық есептеулердің гиперконвергенциясына негізделген жаңа дәуірге қадам басты. Бұл кезеңде деректер жай ғана ақпарат жиынтығы емес, кез келген ұйымның болашағы үшін ең маңызды активке айналады. Бұрынғы цифрлық үкімет парадигмалары қазіргі мемлекеттік басқару талаптарына толық жауап бере алмайды.

GovTech 1.0 — бұл жекелеген сервистік порталдарды дамыту стратегиясынан жасанды интеллект дәуіріндегі бірыңғай цифрлық басқару тәсіліне көшуді қамтамасыз ететін тұтас архитектура.

«Цифрлық трансформация енді қағаз жүзіндегі үдерістерді онлайн форматқа көшірумен ғана шектелмейді. Бұл дегеніміз деректер адамдарға кедергісіз қызмет ететін тірі экожүйе қалыптастыруды білдіреді. GovTech 1.0 арқылы біз интеллектуалды үкіметтің “жүйке жүйесін” құрып жатырмыз, онда әрбір байланыс пен әрбір дерек байты мемлекеттік қызметтердің дәлдігі мен проактивтілігін арттыруға жұмыс істейді», — деп атап өтті Huawei компаниясының Таяу Шығыс және Орталық Азия өңірі бойынша АКТ маркетингі және шешімдерді сату департаментінің президенті Джессон Ни.

GovTech 1.0-дің төрт тірегі

Huawei GovTech 1.0 бытыраңқы әрі ескірген жүйелерді төрт өзара ықпалдасқан деңгейге негізделген «проактивті басқару» моделіне ауыстырады.

1. Желілердің кеңжолақты инфрақұрылымы

Huawei барлық мемлекеттік құрылымдарда ультракеңжолақты, көпфункционалды және конвергентті желілерді енгізуді ұсынады. Wi-Fi 7 және IPv6 технологияларын қолдана отырып, бұл деңгей ұлттық бұлт пен шеткі құрылғылар (камералар, планшеттер) арасындағы деректердің жедел алмасуын қамтамасыз етеді.

1. Платформаларды стандарттау

Өткен жобалардағы бытыраңқылық үлкен бюджеттік шығындарға және тиімділіктің төмендеуіне алып келді, өйткені түрлі ведомстволардың деректер базалары өзара әрекеттесе алмады. GovTech 1.0 бірыңғай бұлттық инфрақұрылымды — «Ұлттық бұлтты» пайдалануды көздейді. Бұл стандартталған платформа икемді есептеу қуаттарын, егемендік деңгейіндегі қауіпсіздікті және бірыңғай деректер архитектурасын қамтамасыз етеді. Сонымен қатар бұл ЖИ-трансформация үшін маңызды, себебі мемлекеттік органдарға сұраныс бойынша NPU-есептеулерді ұсынуға мүмкіндік береді.

1. Деректерді үйлестіру

Ескірген жүйелерде деректер ұйымдар арасында айналымға түспейтін жабық ресурс ретінде қалады. Бұл қолжетімділік қиындықтарын, ақпарат сапасының төмендігін және қауіпсіздік тәуекелдерінің жоғары болуын туындатады. Huawei GovTech 1.0 «тар тұстарды» жойып, деректерді басқару сапасын арттырады және оларды нақты құндылық қалыптастыру үшін қауіпсіз пайдалануды қамтамасыз етеді.

1. Қосымшаларды интеллектуалдандыру

Инновацияларды жедел енгізу үшін Huawei бұлттық әзірлеу құралдарын (DevCloud, ModelArts) ұсынады. Олар ЖИ-ді мемлекеттік қызметтерге енгізуді жеңілдетіп, қосымшаларды әзірлеу үдерісін үздіксіз етеді.

Интеллектуалды болашақ

Әлем жасанды интеллект дәуіріне көшкен сайын бұрынғы цифрлық басқару модельдері тиімділігін жоғалтуда, бұл өз кезегінде экономикаға, қауіпсіздікке және азаматтардың әл-ауқатына тікелей әсер етеді. GovTech 1.0 үкіметтерге жаңа дәуірдің сын-қатерлеріне дайын проактивті басқару жүйесіне көшуге мүмкіндік беретін дайын, практикалық әрі тексерілген тұжырымдаманы ұсынады.